العنف منذ الصغر

العنف منذ الصغر 
أول درس في العنف لما كنا صغار هو غرفة الفيران...وكانت أول درس في ثقافة العنف المكتسبة ..
الغرفة الوهمية إلي كانو يهددونا فيا بالمدرسة يعني كلام الانسة إللي بدي أسمعو عم يحكي بدي
حطو بغرفة الفيران
كمان العنف النفسي اللي كان يتمارس من قبل الأهل
يعني الكلمات اللي كنا نسمعا دائماً
مثلاً : والله لأفرمك - والله لكسرك - بدي كسر ايديك - بدي اقبرك - بدي أهري نعمتك – اذامابسلخ
جلدك عن عضمك .................الخ
في مصطلحات عنف كانت تعتمد على الطب
والله لشيل عيونك - والله لطير راساك - يشوفك الحكيم ويهز براسه - والله لأقرف رقبتك وحملك ياها - والله لأقص عصبك ( أو لسانك أو إيدك ) لا فرق
في عنف مشتق من الكلام الوطني
والله لأطرأك كف خلي سنانك تمشي مسيرة قدامك
في عنف مشتق من الحيوانات
والله لخليك تقاقي ماتلاقي - والله لخليك تعوّي متل الكلاب
وفي عنف رومانسي
والله لفرجيك نجوم الضهر اللي صارت معروفة عنا أكتر من نجوم الليل
في عنف دبلوماسي أكيد عرفتوا
هو هديك اللحظة اللي بيجي فيا الوالد الكريم حامل معو صحن سيكارتو وبيقلنا: تعال بابا نتناقش بهدوء اعتبرني رفيقك
وبغباء الابن المعهود منسدق وعند أول اختلاف وجهة نظر بيناتنا"طبعاً بابا"وبس نقول :بس يا بابا هدا رأيي....
بيطفي الوالد سيكارتو وبيطفي وجهة نظرنا بكلمة وحدة ولاك "...."صار عندك وجهة نظر !! سماع ولا نص نصيص
كبرت لما صغرت .. طلعت لما نزلت .. بضلك تحت هالـ"...."و مابيمشي غير اللي أنا بقولو أوم ولا !! جيل اّخر زمن .. والله عال
حتى صار عنا عنف باعترافاتنا العاطفية
يعني اذا حبينا حدا منقلو.. تقبر قلبي - تطلع على قبري وغيرو كتير من المفردات الي مليانة عنف

يسلمو اديك
عنجد كتير حلو موضوعك
بدايي ولا احلى
الا الامام يا تاج العالم فلسطين

بداية قوية دخلت علينا بعنف ..
صح كلاك العنف منشرة كتنير هالفترة الاخيرة حتى في العواطف متل ما حكيت ..
وكنا زمان نعلم الصغار ع العنف من حركاتنا واسلوبنا لما نهددهم في غرفة الفيران وهاد كلو سلبي عليهم ..
الله يعطيك الف عافية ع مجهودك
وللامام ..

الصراااحة ذكرتني بطفووولتي وكل الحكيتو صحيييييييييح
واحنا الفلسطينيين اكتر شعب فيه هالعاااادة
شكرا يا وردة على دخوووولك العنييييف والقوي

والله الصراحة كلامك عين العقل عنجد الفلسطينية وين ما بروحو بضلهم مظلومين

يسلمو يا غالي على الكلام الرائع

تحياتي

والله موضوعك فن وراااائع...ومتل ما حكى عديموو...داخل بعنف عالمنتدى...والله يا عمي ايش بدنا نسوي...خخخ...فش غير هالطريقة لنعلم الصغار...خخخخخ...بس هاد العنف العاطفي...تبع تقبر عضامي وما بعرف شو..خخخخخخ...والله بعمري ما فكرت انها كلمات عنف..هههه...بس يلا بسيطة

ااما بالنسبة للاستفتاء اللي عاملو....فانا بحكي انو الفلسطيني مغضوب عليه لاسببين اللي انت حاططهم...اول شي...احنا لنا التزمنا بقضيتنا وما اتخلينا عن ارضنا وضلينا معاندين...فطبيعي كل اللي حوالينا يعتبرونا متمردين ومن المغضوب عليهم...ولهلأ في ضغوطات عم تمارس ضد الفلسطينيين من قبل دول وحكومات عربية...اما السبب التاني انو لانو مشرد من بلدو...ففي مقولة ستي دايما بسمعها منها..كانت تحكيلي((من طلع من دراه...قل مقداره))...فالننا طلعنا من دورنا وتركنا بلادنا فطبيعي يصير فينا هالشي..هههههههه...الدول بطلو قادرين يستحمول ناس جداد عندهم...بكفي البلاوي اللي عندهم..هههههههههه...يلا ما فينا نحكي غير حسبنا الله ونعم الوكيل...والنصر النا باذن الله^^

وثاااااااااااااااااانكس على موضوعك الرائع والفن...اتحفنا دايما هيك يا عسوول^^...والى الامام

والله موضووووووعك رهيييييييب .. وكل كلمة حكيتها واقعية لابعد الحدود .. من يوم يومو هاد تعامل العالم .. وما حدا رح يتغير .. رح تضل هالاشياء موجودة لحتى نموت

ويسلموووووووووو عالدخوووول العنييييييف .. يسلمووووووو ايديييييييييك