[size=18
عندما يكون الغدر حدث
من احداث حياتي اليومية
والحزن كالعبادة واجب علي
عندها فقط ...
اتمنى ان اموت اليوم .. وارجع اعيش من جديد
حتى اعرف من هو على الود صادق
ومن هو بعد موتي بطعنات الغدر بيزيد
ومن هو تمنى لو ان عمري باقي مديد
============================================
ودي اموت اليوم واعيش باجر
و اشوف من هو بعد موتي فقدني
و من هو حملني لين ذيك المقابر
و اشكر انا كل من كرمني ودفنني
و بشوف يرثيني انا كم شاعر
و من هو تركني وما كتب شي عني
شخص تعنا لي مع انه مسافر
و شخص قريب و انا ميت طعنني
و شخص يمثل دمعته ماهو قادر
و شخص تطيح دموعه كل ما ذكرني
و من هو من اهلي فالعزا كان حاضر
و من هو دعا لي في صلاته و رحمني
و من هو بنا باسمي سبيل ومنابر
و من هو يفز قلبه الا من لمحني
و من هو عشاني طول الايام ساهر
و من هو ثلاث ايام راح وتركني
و من هو يرتب غرفتي والدفاتر
و ان شاف صورة لي مات وحضنني
يالله عسى ما تخفى كل المشاعر
و يالله عسى ماينصدم يوم ظني
خايف يروح العمر و اكون خاسر
و ان طار طيري ما يفيد التمني
و خايف يجيني وقت اكسر خواطر
ان دارت الدنيا و زماني كسرني
و ما دام هذي الدنيا صارت مظاهر
و كل من على كيفه وجوه يغني
صحيح مسلم لكن الهم كافر
كل ما بغيت اضحك يهددني حزني
الضيق وافي و الحزن حيل واقر
و الحزن اكثر شي شفتو يحبني
عايش و ميت بين ماضي وحاضر
و الصبر مفتاح الفرج ضاع مني
قل وش تبي و تتركني ياحزني آمر
مسكين فرحي تصدق انو وحشني
شاعر .. ولكن ماني بشاعر
ودي اموت اليوم وارتاح مني][/size]
الثلاثاء نوفمبر 03, 2009 4:03 pm
