إلى متى....!!!

موضوع: إلى متى....!!! الأربعاء أغسطس 06, 2008 10:14 pm

إلى متى.... نشرب شاهي بكيسان الجبن ؟؟

إلى متى.... نشتري طقم كيسان ال وااااين ونشرب بها عصير بالبيت .. ولا نطلع الطقم الا للضيوف

مداخله بسرررعه :- كيسان الوااااين للي ما يعرفها مثل اللي تشوفونها بالمسلسلات المكسيكيه أو افلام القناة الثانيه إم بي سي , أما الوااااين هذا الله يسلمكم أحد المشروباات اللي تخليك تشوف عمارة المملكه من الشرقيه.... اللي ينشرب مزمزه مع الأكل ... الأحمر مع اللحوم.... والأبيض مع الماكولات البحريه ... والعهده على الراوي

إلى متى.... الشباااب يقولون مشغولين .. وهم يتبطحون بالإستراحه .. وهاتك يا نصب وتقطيع في خلق الله

إلى متى ... تكون واااقف الأول بالإشاره .... ويجيلك واحد من آآآخر الإشاره ويوقف قبلك

إلى متى .... حريمنا يطالبون بحقوقهم ..بس إذا كنت مثلا ماااسك سرا بالمطاااار ما تدري الا وزززز خاطمة (ن) على السرا ... لأنها حرمه ؟؟

إلى متى.... إذا وقفنا بالإشاره نبحلق بالسيارات اللي جمبنا ؟؟

إلى متى.... كل ما تفتح جريدة الرياض تلقا 100 إعلان .... وخبر واحد صغييييييير

إلى متى .... كل ماشريت جوال جديد ... ما يمديك توصل البيت وتتهنى (بوه ) الإ طاااالع موديل جديد

إلى متى .... يقولون إن الإختلاف لا يفسد للود قضيه .. بس تشوف النقاشات بالمنتديات ياسااااتر شوي ويطقون بعض

إلى متى .... كل يوم يطلع لنا مدري وش اسمه الصبح بال إم بي سي ويقول إن خريص وطريق الملك فهد والدائري كلها مليانه حوادث وزحمه ... ودبرو أنفسكم

إلى متى.... وكل واحد تجيه إشااااعه يزودها شوي من عنده .. ويدزها لأقرب قروب ؟؟؟

إلى متى.... كل ما تفتح الجريده تلقا بوجهك القبض على مدري كم الف مخالف لنظام الإقامه .. وفي نفس الصفحه ( الحوادث) وفاة عشر طعش معلمه على طريق مدري وشو

إلى متى .... كل ما تفتح قناة تلقى أغنية الأماكن ..... صح اغنيه حلوه بس مليناها بقووووه

إلى متى .... كل ما تفتح ال ام بي سي أو بانوراما .... من صباح الله خير .. كلها إهداءات ورسايل إس إم إس.... ومن مفلح للعزيزه رندا ... إهداء أغنية ماهقيت إن البراقع يفتنني ... مفلح ورندا ما تركب أبد الله يخليكم بس

إلى متى.... كل مره يبقى لك نص ريال عند راعي البقاله يعطيك علك بدل النص ؟؟

إلى متى ... يلاحقونك حقين التسويق بالتلفون ... وإذا إشتريت منهم وبغيت تستفسر عن شي .... بحححح ما تلقاهم ولا بالواسطه

إلى متى .... كل شي إرتفع سعره ... إلا المطبق ما زال على خبري بريالين !!!! خطمه مدري وش تبي

إلى متى... وكل وزير عنده بقشة مواااضيع تحت الدرااااسه ... وراح الشتا .. وجانا شتا وحنا نبطي عظم ما شفنا شي

إلى متى .... يقولون بنطبق الحكومه الإلكترونيه ... وإذا قابلت أكثر موظفين الحكومه تلقاه بحياته ما قد شاف ولا حتى بلااي ستيشن أجل كيف يشغل كمبيوتر

إلى متى يا بلدية عنيزه تتكسر سياراتنا كل مره نجي لعنيزه من البوابه الغربيه ... اقرب البوابات للأخوه الأعداء

أخيرا .... إلى متى توم نااااااشب ل ها المسيكين جيري يلااااحقه

الموضع منقول
وتعليقي
هناك اشياء كثيره في حياتنا غلط وبالرغم هذا نسويها ونستمر عليها

أخيرا .... إلى متى توم نااااااشب ل ها المسيكين جيري يلااااحقه

ههههههههههههههههههههه حلوه هي مع انه في شغلات كتيير بحياتنا بنسويها بس صارت عادات فينا ما عاد نقدر نغيرها

ميرسي كتيير عالموضوع الحلوو يا أحلى ليدي

لك يسلم هالايادي انشاء الله

الله لا يحرمنا من مواضيعك الحلوه

تقبلي مروووري على موضوعك الرائع

هلا حبييبتي و ما يحرمنا من مروورك الاحلى

موضوع: رد: إلى متى....!!! الخميس أغسطس 07, 2008 8:08 pm

والله احنا عايشين حياتنا غلط بغلط..وعارفين انو غلط..ومع هاد بنسوي الغلط..والله ما انا عارفة لمتى هنضلنا هييك..يلا شو بدنا نعمل..يسلمو بيان على الموضوع الحلو